Te Tai Whanake Ki Tauranga Moana
Ko Ngāti Ranginui he uri nō Tamateaarikinui, nāna nei te waka Tākitimu i whakatau ki Te Awaiti. Ka mutu te takinga o tāna kawa me āna karakia, ka nohonoho rātou ko ōna uri puta noa i te rohe e kīia nei i tēnei rā ko Tauranga Moana.
He iwi a Ngāi Te Rangi nō Mataatua waka, ko ōna tūpuna ko Te Rangihouhiri rāua ko Tamapahore. Nāwai ka tau te noho a Ngāi Te Rangi ki roto o Tauranga Moana, ā, i te rā nei kei tōna 20,000 ngā uri, kotahi tekau mā toru ngā marae, ā, kotahi tekau mā tahi ngā hapū.
E 8 ngā hapū o Ngāti Pūkenga iwi, ā, e 6 ngā nohoanga ki: Ōwhakatoro, Matatā, Maketū, Tauranga, Manaia me Whangārei. Tēnei mātou ko ngā uri o rātou mā i heke mai mā runga te waka Mata-atua mai i Te Moana-nui-a-Kiwa.
Poutama
E rapu āwhina ana koe ki te kimi kōrero kei tō taumata ako? He mea hanga te poutama nei nā ngā AST me ngā iwi hei āwhina i a koe ki te whakawhāiti i ngā kōrero. Pāwhiria te taumata e hiahia ana koe mō ngā kōrero e pā ana ki taua taumata, me ngā hononga nā ngā iwi i homai ki ā rātou pae tukutuku.
Mahere Matawhenua
Tāroitia te mahere matawhenua tirotiro ai i ētehi marae tonu, ētehi kāinga tonu. Topa atu kia whānui te tirohanga, topa mai rānei āta tirotiro ai ki tētehi wāhi whāiti. Pāwhiritia te hononga kia tae atu ai ki ētehi atu kōrero mō taua wāhi tonu kei runga i ngā whārangi a te iwi kāinga.
