Mō Mātou

He kaupapa whakaihuwaka a Te Tai Whanake ki Tauranga Moana e mahi tahi ai a Ngāi Te Rangi rātou ko Ngāti Ranginui, ko Ngāti Pūkenga ki Ngā Kura o Tauranga Moana, ka mahi ngātahi kia pai ai te mahoranga o ngā kōrero ā tēnā iwi, ā tēnā iwi. 

Ka takune a Te Tai Whanake ki hoatu ki ngā Kōhanga Reo, ngā Kura Kōhungahunga, ngā Kura Tuatahi, ngā Kura Takawaenga, ngā Wharekura me ngā Kura Tuarua ngā kōrero hei tautoko i ngā akoranga ki aua whaitua. 

Ko te pūtake o Te Tai Whanake he marautanga ā-ipurangi i takea mai i tētehi Poutama Ao Māori ā-Iwi, ā, ko te Poutama Reo Māori hei tautoko. He mea hanga tā mātou Poutama Ao Māori kia hāngai ai ki ngā Hītori o Aotearoa, ā, kua whakawehewehea e ai ki te pakeketanga o te ākonga, heoi anō hei muri nei whakawehea ai e ai ki te taumata o te āheinga o te ākonga. Whakatakoto ai tēnā taumata, tēnā taumata i ngā āheinga ako mō ā mātou Tauira, ā, e hāngai ana ki ngā rauemi nā ngā Iwi i hanga hei tautoko i aua akoranga.